സിനിമ : ആകാശഗംഗ
ഗാനരചയിതാവു്: എസ് രമേശൻ നായർ
സംഗീതം: ബേണി ഇഗ്നേഷ്യസ്
ആലാപനം: കെ എസ് ചിത്ര
പുതുമഴയായി വന്നൂ നീ
പുളകം കൊണ്ടു പൊതിഞ്ഞൂ നീ
ഒരേ മനസ്സായി നാം ഉടലറിയാതെ ഉയിരറിയാതെ
അണയൂ നീയെൻ ജീവനായ് വരൂ നിശാഗീതമായ് (പുതുമഴ..)
കളം മായ്ക്കാതെ കഥയറിയാതെ മിഴികൾ പറന്നു പോയ്
കൊതി തീരാത്ത വേഴാമ്പലായ് (കളം..)
കുറുമൊഴിയെങ്ങോ തരിവളയെങ്ങോ കുഴൽ വിളി നീ കേൾക്കുമോ
തരുമോ ഓ..ഓ... ഈ മണ്ണിലൊരു ജന്മം കൂടി നീ ( പുതുമഴ...)
ആ...ആ..ആ..ആ..
കടം തീരാതെ വിട പറയാതെ
വെറുതേ കൊഴിഞ്ഞു പോയ്
ശ്രുതി ചേരാത്ത ദാഹങ്ങളിൽ
പിറവികൾ തേടും മറവിയിൽ നീയെൻ
ഉയിരിന്റെ വാർതിങ്കളായ്
തരുമോ...ഓ..ഓ.. ഈ മണ്ണിൻ തോരാത്ത പാൽ മണം (പുതുമഴ...)
***********************
സിനിമ : ആകാശഗംഗ
ഗാനരചയിതാവു്: എസ് രമേശൻ നായർ
സംഗീതം: ബേണി ഇഗ്നേഷ്യസ്
ആലാപനം: കെ ജെ യേശുദാസ്
പുതുമഴയായ് വന്നൂ നീ
പുളകം കൊണ്ടു പൊതിഞ്ഞൂ നീ
ഒരേ മനസ്സായി നാം
ഉടലറിയാതെ ഉയിരറിയാതെ
അണയൂ നീയെൻ ജീവനായ്
വരൂ നിശാഗീതമായ് (പുതു..)
തിരി താഴുമ്പോൾ മിഴി ഇടയുമ്പോൾ
മൊഴികൾ ഉതിർന്നുവോ
മണിത്താരങ്ങൾ കൺചിമ്മിയോ
തരിവള കൊഞ്ചും കുയിൽ മധുരങ്ങൾ
തരളിത സംഗീതമായ് ഓ...
ഈ ജന്മം തികയില്ലെന്നോമലേ..
(പുതു...)
ഒരു താഴ്വാരം അതിൽ നീ മാത്രം
അരികിൽ സുധാരസം
ശ്രുതി മീട്ടുന്ന മൺ വീണയും
പനിനീർ ചൊരിയും കനകനിലാവിൽ
പതിവായ് നീ പാടുമോ ഓ..
ഈ ജന്മം സ്വർഗ്ഗീയമല്ലയോ
( പുതു..)
